-------------------------------------------
ﺧﺎﻟﺪ ﺷﻘﻮﺭﻱ
ﺻﺎﺑﺮﻳﻪ
ﻃﻔﺖ ﺍﻃﺮﺍﻑ ﺍﻟﻔﻴﺎﻓﻲ
ﺷﻠﺖ ﺻﺒﺤﻲ ﻭﻟﻴﻠﻲ ﺣﺎﻓﻲ
ﻣﺎﻧﺴﻴﺖ ﺍﺭﺩ ﺍﻟﻘﻮﺍﻓﻲ
ﺯﻱ ﻃﻌﻢ ﺻﺒﺮﻳﻪ ﻣﺎﻓﻲ
ﺯﻱ ﻋﺸﻢ ﺻﺒﺮﻳﻪ ﻣﺎﻓﻲ
ﺯﻱ ﻧﻐﻢ ﺻﺒﺮﻳﻪ ﻣﺎﻓﻲ
ﺷﺎﻓﻌﻲ ﻣﻦ ﻋﺮﺑﺎﻥ ﺑﻠﺪﻧﺎ ﻣﻨﻬﺎ ﻭﻓﻴﻬﺎ
ﺍﻟﻮﺩﺍﻋﻪ
ﺷﺘﻠﻪ ﻓﻲ ﻗﻴﺰﺍﻥ ﺑﻠﺪﻧﺎ ﻗﺎﻳﻤﻲ ﺑﺎﻳﺪﻩ
ﻭﺿﺮﺍﻋﻪ
ﺍﻟﻘﺪﻳﻢ ﺍﻟﻼﻓﻪ ﻃﺮﻗﻲ ﺯﺍﻫﻲ ﻓﻲ ﺭﻭﻋﺔ
ﻃﺒﺎﻋﻪ
ﺍﻟﺒﺴﻴﻤﺎﺕ ﻓﻲ ﻭﺟﻴﻬﺎ ﺍﻟﺒﺎﻫﻲ ﻣﻦ ﺯﻣﻦ
ﺍﻟﺮﺿﺎﻋﻪ
ﻓﺎﻗﻌﻲ ﺯﻱ ﺷﻤﺲ ﺍﻟﻌﺼﺎﺭﻱ ﻓﻲ
ﺍﻟﻌﻤﺮ ﺑﺎﻗﻲ ﻟﻪ ﺳﺎﻋﻪ
ﻓﻲ ﺍﻟﻘﻠﻴﺐ ﺍﻟﺸﺎﻳﻠﻪ ﺻﺎﻓﻲ ﺯﻱ ﺻﻔﺎ
ﺻﺒﺮﻳﻪ ﻣﺎﻓﻲ
ﻓﻲ ﺍﻟﻬﺠﻴﺮ ﺭﺍﺣﺖ ﺗﺪﻗﻖ ﻓﻲ
ﺍﻟﻨﻬﺎﺭﺍﻟﺤﺎﺭ ﺗﻮﺭﻕ
ﻟﻠﻬﺪﻭﻡ ﺑﺎﻟﻠﻴﻞ ﺗﻠﺘﻖ ....
ﻓﻲ ﺍﻟﺠﺮﻑ ﺯﺍﺭﻋﻪ ﻟﻪ ﺣﻮﺽ ﺭﺍﺟﻲ
ﻗﺒﻞ ﺍﻟﺤﻴﻦ ﻳﺒﺘﻖ
ﻭﺍﻟﺒﺴﺎﻟﻤﻪ ﻣﻦ ﺑﻠﺪﻧﺎ ﻫﻲ ﺗﻘﻮﻟﻮ
ﺍﻧﺸﺎﻟﻠﻪ ﻋﺎﻓﻲ
ﺯﻱ ﻛﻼﻡ ﺻﺒﺮﻳﻪ ﻣﺎﻓﻲ ﻭﺯﻱ ﺳﻼﻡ
ﺻﺒﺮﻳﻪ ﻣﺎﻓﻲ
ﻓﻲ ﻛﺮﻳﻘﺔ ﺧﺎﻟﻪ ﺍﺣﻤﺪ ﺷﺎﻳﻠﻪ ﻟﻴﻠﻪ
ﻭﺍﻳﺪﻩ ﺗﻨﺒﺢ
ﺷﻮﻛﻲ ﻻﻗﺘﻪ ﻓﻲ ﺩﺭﻳﺒﻪ ﻟﻤﺎ ﻛﺎﻥ
ﺑﺎﻟﻤﻌﺰ ﺗﺴﺮﺡ
ﻧﺎﻣﺖ ﺍﻟﻤﺴﻜﻴﻨﻲ ﺗﻘﻨﺖ ﻭﺍﻟﻔﻮﻳﻨﻴﺲ
ﺯﺍﺩﻭ ﺭﻭﺡ
ﺑﺎﻗﻲ ﺗﻤﺘﻤﻪ ﻓﻲ ﺧﺸﻴﻤﻪ ﺗﺴﺎﻝ ﺍﻟﻠﻪ
ﺍﻟﻤﺴﺮﻩ ﺗﻨﺠﺢ
ﻣﺎﻟﻪ ﻣﺎﻝ ﺍﻟﻤﺴﺮﻩ ﺍﻻ ﺷﺎﻥ ﺣﺒﻴﺐ
ﺭﻭﺣﻪ ﻳﻔﺮﺡ
ﺩﻱ ﺍﻟﺒﻨﻴﻪ ﺍﻟﺮﻳﺪﻩ ﻭﺍﻓﻲ ﺯﻱ ﻏﺮﺍﻡ
ﺻﺒﺮﻳﻪ ﻣﺎﻓﻲ
ﺯﻱ ﺷﻌﻮﺭ ﺻﺒﺮﻳﻪ ﻣﺎﻓﻲ ﺯﻱ ﻏﺮﺍﻡ
ﺻﺒﺮﻳﻪ ﻣﺎﻓﻲ
ﺭﺍﺩﺕ ﺍﻟﻨﺎﺱ ﺍﻟﺴﻤﺮ ﺭﺍﺩﺕ ﺍﻟﺼﻔﺎ
ﻭﺍﻟﻌﻜﺮ
ﺭﺍﺩﺕ ﺍﻟﻤﻮﺝ ﺍﻟﻬﺪﺭ ..........
ﺭﺩﺍﺕ ﺍﻟﺤﻠﻪ ﻭﺑﻴﻮﺗﻪ
ﻓﻲ ﻋﻴﻮﻥ ﺻﺒﺮﻳﻪ ﻃﻠﺖ ﺭﻳﺪﺓ ﺍﻟﺨﻼ
ﻟﻠﺒﺤﺮ
ﻧﺎﻓﺮﻱ ﻣﻦ ﻗﻴﻠﺔ ﺍﻟﻜﺮﺍﺭﻕ ﻭﺧﺎﻳﻔﻲ ﻣﻦ
ﻗﻮﻟﺔ ﺍﻟﺴﻔﺮ
ﻭﺍﻟﺮﺣﻴﻞ ﺍﻟﺴﺮﻭ ﺧﺎﻓﻲ ﻓﻲ ﻗﻠﺐ
ﺻﺒﺮﻳﻪ ﻣﺎﻓﻲ
ﻓﻲ ﺯﻣﻦ ﺻﺒﺮﻳﻪ ﻣﺎﻓﻲ ﻭﻓﻲ ﺧﻴﺎﻝ
ﺻﺒﺮﻳﻪ ﻣﺎﻓﻲ
ﻭﺍﻟﻨﻬﺎﻳﻪ ﺍﻟﻤﻦ ﻓﺼﻮﻝ ﺳﻴﺮﺓ ﺍﻟﺒﻨﻴﻪ
ﻟﻤﺎ ﻋﺎﺩﺕ ﻟﻠﺒﻴﻮﺕ ﺍﻟﻜﺎﻧﻮ ﻗﺒﻞ ﺍﻟﻤﻐﺮﺑﻴﻪ
ﻣﺎﻟﻘﺖ ﻏﻴﺮ ﺍﻟﺰﻭﺍﻣﻞ ﺷﺎﻳﻠﻪ ﺍﺣﻼﻡ
ﺍﻟﺼﺒﻴﻪ
ﺷﺎﻳﻠﻲ ﻋﻴﺪﺍﻥ ﺍﻟﻜﺮﺭﺍﻕ ﻓﻲ ﺍﻟﺼﺒﺎﺣﺎﺕ
ﻭﺍﻟﻌﺸﻴﻪ
ﺿﺎﺭﺑﻲ ﺑﻄﻦ ﺍﻟﻮﺍﺩﻱ ﺯﻓﻪ ﻟﻤﺖ ﺍﻟﻨﺎﺱ
ﻭﺍﻟﺴﻌﻴﻪ
ﻭﺍﻟﻤﻄﻴﺮﻩ ﺍﻟﻀﺎﺭﺑﻲ ﻗﺒﻠﻲ ﻻﻗﺖ
ﺍﻟﺪﻣﻌﻪ ﺍﻟﻌﺼﻴﻪ
ﻭﺍﻟﺮﺣﻴﻞ ﻋﺰ ﺍﻟﺒﻮﺩﺍﻱ ﺍﻟﺮﺣﻴﻞ ﻭﺟﻊ
ﺍﻟﺒﻨﻴﻪ
ﺯﻱ ﺭﺣﻴﻞ ﺻﺒﺮﻳﻪ ﻣﺎﻓﻲ ِ
ﺯﻱ ﺳﻔﺮ ﺻﺒﺮﻳﻪ ﻣﺎﻓﻲ
ﺯﻱ ﺣﻠﻢ ﺻﺒﺮﻳﻪ ﻣﺎﻓﻲ
==================================